正Deal

交易所要你簽錢包訊息?喺呢度簽

加提幣地址嗰陣卡住?攞 HashKey、OSL 或者你用緊嗰間交易所畀你嘅訊息,用持有嗰個地址嘅錢包簽。瀏覽器幫你驗啱簽名,就可以貼返交易所。

睇完錢包彈窗先撳批准

段訊息、地址同簽名都留喺你個瀏覽器同錢包。呢頁絕對唔會問你攞助記詞或者私鑰。簽純文字證明地址係你嘅,唔會轉走資金,但係用你個錢包認可段文字,睇清楚先簽。用 EVM 嗰陣,如果個要求似交易或者代幣授權(permit),就撳拒絕,只簽交易所畀你嘅純文字。

正在尋找錢包…

由交易所拎段字,驗啱先貼返去

  1. 唔好閂交易所驗證畫面,將佢而家畀你嗰段字貼過嚟,再對清楚網絡同地址。自動填唔到,就自己揀網絡或者入地址。
  2. 連接有嗰個地址嘅錢包。對一對預覽同原文,睇清楚先喺錢包批准簽純文字。
  3. 驗啱就複製,貼返去嗰陣對多次頭尾各六個字元。用 Solana 就睇清楚交易所收 Base58、Base64 定十六進制。

想睇埋呢兩間香港交易所?

卡住咗點算?

用到邊條鏈同邊個錢包?

Bitcoin 主網、Solana、Tron 同 Ethereum、Arbitrum、Base、BNB Chain、Polygon、Avalanche C-Chain 呢類 EVM 網絡都得,其他網絡仲未支援。個選單會顯示瀏覽器搵到、又識喺嗰條鏈簽訊息嘅錢包。EVM 智能合約錢包通常要上鏈先驗到,所以呢度未必驗到佢嘅簽名。

做乜交易所要我簽?

交易所用今次嗰段驗證字同簽名,對清楚提幣地址係咪你控制。一路簽住就留住原本個畫面,重新入 HashKey 驗證頁可能會換咗序號。

用手機簽得唔得?

得。喺錢包 App 自己個瀏覽器開呢頁,搵返持有嗰個地址嘅帳戶。用電腦就用裝咗相容錢包插件嘅瀏覽器。

Bitcoin 揀 BIP-322 定 ECDSA?

先試 BIP-322,Taproot(bc1p 開頭)就用呢款。如果地址係 1、3 或 bc1q 開頭,交易所又指定舊格式,錢包有提供就試舊式 ECDSA。交易所要求原生隔離見證標頭,而工具有得揀,就可以用 Trezor 嗰款。